سوڭعى ٷش جىل ٸشٸندە قىزىلوردا قالاسىندا 11 ىقشام اۋدان بوي كٶتەرگەن. بۇل تۋرالى قىزىلوردا وبلىسىنىڭ ەكٸمٸ قىرىمبەك كٶشەرباەۆ ورتالىق كوممۋنيكاتسييالار قىزمەتٸندە ٶتكەن بەيرەسمي كەزدەسۋدە ايتتى.
«2013 جىلى پايدالانۋعا بەرٸلگەن تۇرعىن ٷيلەر 270 مىڭ كۆادراتتان اسپاعان. ال, قازٸر ول 540 مىڭ كۆادرات مەتردەن اسىپ, 2013 جىلمەن سالىستىرعاندا ەكٸ ەسەگە ٶسكەن. سوڭعى ٷش جىلدا وبلىس ورتالىعىندا 11 ىقشام اۋدان بوي كٶتەردٸ. جەكە ٷي سالۋعا ارنالعان جەر بٶلۋدە كەڭ كٶلەمدە جٷردٸ».
ٶز سٶزٸندە وبلىس ەكٸمٸ ايماقتاعى قۇرىلىس قارقىنىنىڭ ٶسۋٸ 20 مىڭ ادامدى جۇمىسپەن قامتىپ, جۇمىسسىزدار سانىن 4,9% دا ۇستاپ تۇرۋعا مٷمكٸندٸك بەرٸپ وتىرعانىن اتاپ ٶتتٸ.
قىرىمبەك كٶشەرباەۆتىڭ ايتۋىنشا, وبلىس بويىنشا نارىققا قاجەتتٸ, سۇرانىسقا يە مامانداردى دايالاۋ ٸسٸ اۋىل-اۋدان كٶلەمٸندە قولعا الىنىپ, جٷيەلٸ جۇمىس ٸستەلٸپ جاتىر.
"ۇلت اقپارات"
