Almaty oblysyndaǵy Qyzylaǵash sý qoimasyn qaita jańartý jáne qalpyna keltirý jumysy aiaqtaldy, dep habarlaidy QazAqparat.
Esterińizge sala keteiik, 2010 jyldyń naýryz aiynda kóktemgi sý tasqyny saldarynan qoima tolyǵymen buzylǵan bolatyn.
Tek uzyndyǵy 263 metr tonneldik sý shyǵarý júiesi ǵana saqtaldy.
Qalpyna keltirý jumysy 2016 jyldan beri júrgizilip keledi.
Osy joba boiynsha bas merdiger - «Qazsýshar» RMK Almaty filialy. Tehnikalyq qadaǵalaýdy «Stroyinjiniring» JShS, avtorlyq qadaǵalaýdy - «Kazgiprovodhoz Institýty»ÓK júrgizdi. Joba quny-5,6 mlrd teńge.
Sý qoimada bóget qalpyna keltirilip, tonneldik sý jiberildi. Sý jinaǵysh gidrotorap salyndy.
Gidrotorap pen bógetti avtomattandyrý jáne beinebaqylaý jumystary júrgizildi. Sondai-aq, dispetcher bólmesi bar eki páterli úsh turǵyn úidiń, jasandy qurylystary bar eksplýatatsiialyq joldyń qurylysy júzege asyryldy.
Sý jinaǵysh sý toraby men bógetti elektrmen jabdyqtaldy. Sý toraby men bógetti sýmen jabdyqtaý jáne káriz júiesi qamtamasyz etildi.
«Kazgiprovodhoz» ÓK jobalaý institýtynyń usynystaryna sáikes 2020 jyldan bastap sý qoimasynda sýdyń synaq jinaǵy júrgizilýde. Oń synaq qorytyndysy boiynsha 2022 jyly nysan paidalanýǵa beriledi.
Jobanyń maqsaty - tolyq syiymdylyǵy 42,65 mln m3 sý qoimasyn, 1,4 myń ga alqaptaǵy qoldanystaǵy sýarmaly jerlerdiń sýmen qamtamasyz etilýin arttyrý jáne jalpy sýarý alańyn 6,7 myń ga deiin jetkize otyryp, jańa sýarmaly jerlerdiń 5,3 myń ga ósimin arttyrý úshin sý torabyn jáne sol jaǵalaý arnasynyń bas bóligin qalpyna keltirý.
Bul óz kezeginde Aqsý aýdanynyń áleýmettik-ekonomikalyq damýyna oń áser etedi. Jańa jumys oryndary qurylady, halyqty jumyspen qamtý deńgeii artady.
Sý qoimasynyń tolyq syiymdylyǵy 42,65 mln. m3, paidaly syiymdylyǵy – 36,95 mln. m3 quraidy.
Sý qoimasynyń jobalyq sýarý qabileti – 6680 ga, onyń ishinde sol jaǵalaýda – 3610 ga, oń jaǵalaýda – 2193 ga, onyń ishinde 5,3 myń ga jańa jerler.
Aita keteiik, Qyzylaǵash sýarý alqabyn igerý Almaty oblysynyń damý syzbasyna engizilgen bolatyn.
1993 jyly uzyndyǵy 1,8 km magistraldy qubyr jelisi jáne 1420 ga sýarmaly alaby bar sý qoimasy men sý torabynyń qurylysy aiaqtaldy.
2012 jyly Qyzylaǵash sý qoimasy ortalyq ýákiletti organdardyń kelisimi boiynsha (QR AShM Sý resýrstary komiteti, QR QM Memlekettik múlik jáne jekeshelendirý komiteti) Almaty oblysy ákimdiginiń qaýlysymen «Qazsýshar»RMK balansyna respýblikalyq menshikke berildi.
Odan keiin «Qazsýshar» RMK Almaty filialy sý qoimasyna deiin uzyndyǵy 12 km avtomobil joly men uzyndyǵy 16 km elektr berý jelisin saldy.
