Qyzyl kitapqa engen aǵashty zańsyz keskeni úshin salynatyn aiyppul 6 ailyq eseptik kórsetkishten 1000 ailyq eseptik kórsetkishke deiin ulǵaityldy. Bul týraly Úkimet otyrysynda Qazaqstan Respýblikasynyń Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Sońǵy kezde eldi mekenderde aǵashtar men butalardy zańsyz kesý, joiý jáne zaqymdaý faktileri oryn alǵany belgili. Osyǵan bailanysty ministrlik múddeli memlekettik organdarmen birlesip, tártip buzýshylyqtar úshin jazany kúsheitýge baǵyttalǵan birqatar sharalardy pysyqtady. Birinshi, indýstriia jáne infraqurylymdyq damý ministrligi kóshetterdi kútip ustaý men qorǵaýdyń qaǵidalaryna tolyqtyrý engizip otyr. Oǵan sáikes, Qazaqstannyń Qyzyl kitabyna engizilgen aǵashtardy zańsyz kesý, joiý, zaqymdaý kezinde 30 ese mólsherde kompensatsiialyq aǵash otyrǵyzý, sondai-aq jeke jánge zańdy tulǵalarǵa tiesili nysandardyń irgeles aýmaǵyndaǵy jasyl jelekti ekpelerdi joiǵany úshin 10 ese mólsherde aǵash otyrǵyzý kózdeletin bolady», - deidi QR Ekologiia, geologiia jáne tabiǵi resýrstar ministri Maǵzum Myrzaǵaliev.
Onyń aitýynsha, budan buryn bul normalar osy qaǵidalarda bolmaǵan.
«Ekinshi, Orman zańnamasyn buzýdan keltirilgen ziiannyń mólsherin esepteý úshin bazalyq stavkalarǵa ózgerister engizý boiynsha jumys júrgizildi. Úkimet qaýlysynyń tiisti jobasy da osy aptada qabyldandy. Oǵan sáikes, Qazaqstannyń Qyzyl kitabyna engizilgen árbir aǵashty zańsyz keskeni úshin ziiandy óteý mólsheri 6 ailyq eseptik kórsetkishten 1000 ailyq eseptik kórsetkishke deiin ulǵaityldy. Sonymen qatar, bazalyq stavkalar aǵash túri men jasyna qarai eldi mekende ósetin aǵashtar men butalardy zańsyz kesý kezindegi zalaldy óteý mólsherin aiqyndaý jónindegi jańa, jeke qosymshamen tolyqtyryldy. Úshinshi, zańnamalyq aktilerge ózgerister engizý kózdelýde. Ákimshilik jáne Qylmystyq kodeksterge ózgerister ázirlendi. Ákimshilik kodeksine diskretsiialyq normalardy alyp tastaý jáne quqyq buzýshylarǵa sanktsiialardy ulǵaitý bóligine birqatar ózgeris engiziledi. Mysaly, quqyq buzýshylyqtardyń qaitalanýyna bailanysty aiyppuldardy kelesidei arttyrý usynylady. Jeke tulǵaǵa 10 ailyq eseptik kórsetkishten 150 ailyq eseptik kórsetkishke deiin, shaǵyn kásipkerlik sýbektilerine 30 ailyq eseptik kórsetkishten 450 ailyq eseptik kórsetkishke deiin, orta kásipkerlik sýbektilerine 40 ailyq eseptik kórsetkishten 600 ailyq eseptik kórsetkishke deiin jáne iri kásipkerlik sýbektilerine 100 ailyq eseptik kórsetkishten 1500 ailyq eseptik kórsetkishke deiin arttyrý usynylady. Budan basqa, aǵashtardy zańsyz keskeni úshin sanktsiialardy qatańdatý boiynsha Qylmystyq kodeksine de ózgerister engizý kózdelip otyr», - deidi ol.
