«Qyzyl» aimaqta turǵan Soltústik Qazaqstan óńirine ókpeni jasandy jeldetetin 77 apparat jetkizildi, dep habarlaidy "Ult aqparat" QR IIDM baspasóz qyzmetine silteme jasap.
QR Densaýlyq saqtaý ministrligi bekitken qujatqa sáikes, Soltústik Qazaqstan oblysyna «Biyovent» ókpeni jasandy jeldetý apparatynyń 77 danasy jetkizilgen. Sondai-aq, meditsina mamandarynyń usynystaryn eskere otyryp, barlyq 77 ÓJJ apparaty kompressorlarmen jáne aýany ylǵaldandyratyn qondyrǵylarmen qosymsha jaraqtandyrylǵan.
«Atalǵan ónim Dárilik quraldar memlekettik tiziliminde tirkelgen, sonymen qatar tirkeý kýáligin alǵan (2020 jylǵy 12 qyrkúiektegi RK-MT-5 № 021003). Barlyq ÓJJ apparatyna kepildik berilip, 37 ai boiyna servistik qyzmet kórsetiledi», - dep habarlaidy ministrlikten.
Jalpy búginge deiin Qazaqstannyń barlyq óńirine 1 500 dana «Biyovent» ÓJJ apparaty jetkizilgen.
