«Qyzyl» aimaqtardaǵy óńirlerde demalys kúngi lokdaýndardy saqtaý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Halyqtyń shekteý talaptarynyń oryndalýyn baqylaýdy jalǵastyrý kerek. Bul úshin óńirlerde monitoring toptarynyń sany kóbeitildi, olardyń qyzmetiniń tiimdiligin kúsheitý qajet. Barlyq óńirler men memlekettik organdar vaktsina saldyrýdyń qajettigi týraly aqparattyq jumysty keńeitsin», - dedi Asqar Mamin.
Sonymen qatar Úkimet basshysy «qyzyl» aimaqtardaǵy óńirlerde demalys kúngi lokdaýndardy saqtaý qajettigin basa aitty.
«Búgingi kúni tirkelgen «ASHYQ» paidalanýshylar sany – 4 mln-nan astam. Qazirdiń ózinde jobaǵa 111 myń biznes sýbektisi qatysady. Biznespen jumysty jalǵastyryp, jobaǵa qatysýshylar sanyn ulǵaitý kerek», - degen Premer-Ministr bul máseleni jalpy baqylaýda ustaýdy orynbasary Eraly Toǵjanovqa tapsyrdy.
