Almaty qalasynyń «qyzyl» aimaqqa ótýine bailanysty dini nysandardyń qalai jumys isteitini belgili boldy, dep habarlaidy "Ult aqparat".
Óńirlik kommýnikatsiialar qyzmeti alańynda ótken brifingte Almaty qalasy din isteri basqarmasy basshysynyń orynbasary Erǵali Kósheke men Almaty qalasynyń bas imamy Erkinbek Shoqai Almaty qalasynyń «qyzyl» aimaqqa kirýine bailanysty, shaharda dini nysandardyń qalai jumys isteitinin aityp berdi.
Ǵibadat jasaityn ǵimarattarda áleýmettik qashyqtyq (keminde 2 metr) jáne basqa da sanitarlyq normalar: maskalyq rejim, dezinfektsiia jáne t.b. qatań saqtai otyryp, tek «jeke qulshylyq etý» rásimderi (ujymdyq emes: juma namazy, jeksenbilik qyzmetter jáne t. b.) ótkizýge ruqsat etiletini aityldy.
Sondai-aq, dini birlestikterdiń basshylyǵy, dini rásimderdi ótkizý úshin sanitarlyq normalarǵa sáikes, barlyq jaǵdailardy qamtamasyz etý jóninde tiisti sharalar qabyldaýy qajet.
Iaǵni, ǵimaratqa kelýshilerdiń temperatýrasyn ólsheý, betperdesiz azamattardy kirgizbeý, dini birlestikter aýmaǵynda 2 metrden kem emes aralyqta arnaiy jazylǵan belgiler jasaý, irgeles aýmaqty taza ustaý shart.
«Qalamyzdyń dini birlestikteriniń basshylary men dindar jamaǵattan osy ýaqytsha shekteýlerge túsinistikpen qaraýlaryn suraimyn. Biz mundai shekteýlerge birinshi ret tap bolyp otyrǵan joqpyz, bárimiz bul qiyndyqty birlese otyryp jeńemiz dep senemin. Sondai-aq, Din isteri basqarmasynyń qyzmetkerleri SES jáne quqyq qorǵaý organdarynyń qyzmetkerlerimen birlesip, qalanyń dini ǵimarattarynda sanitarlyq normalardyń saqtalýyna monitoring júrgizetinin atap ótkim keledi», - dedi Almaty qalasy din isteri basqarmasy basshysynyń orynbasary Erǵali Kósheke.
Esterińizge sala keteiik, 2021 jyldyń 10 naýryzynan bastap Almaty qalasy koronavirýstyń taralý qarqyny boiynsha «qyzyl aimaqta» tur.
Osyǵan bailanysty, Almaty qalasynyń bas memlekettik sanitar dárigeri jańa qaýly shyǵardy.
Ol osy jyldyń 13 naýryzynan bastap kúshine enedi.
