الماتى قالاسىنىڭ «قىزىل» ايماققا ٶتۋٸنە بايلانىستى دٸني نىسانداردىڭ قالاي جۇمىس ٸستەيتٸنٸ بەلگٸلٸ بولدى, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگتە الماتى قالاسى دٸن ٸستەرٸ باسقارماسى باسشىسىنىڭ ورىنباسارى ەرعالي كٶشەكە مەن الماتى قالاسىنىڭ باس يمامى ەركٸنبەك شوقاي الماتى قالاسىنىڭ «قىزىل» ايماققا كٸرۋٸنە بايلانىستى, شاھاردا دٸني نىسانداردىڭ قالاي جۇمىس ٸستەيتٸنٸن ايتىپ بەردٸ.
عيبادات جاسايتىن عيماراتتاردا ەلەۋمەتتٸك قاشىقتىق (كەمٸندە 2 مەتر) جەنە باسقا دا سانيتارلىق نورمالار: ماسكالىق رەجيم, دەزينفەكتسييا جەنە ت.ب. قاتاڭ ساقتاي وتىرىپ, تەك «جەكە قۇلشىلىق ەتۋ» رەسٸمدەرٸ (ۇجىمدىق ەمەس: جۇما نامازى, جەكسەنبٸلٸك قىزمەتتەر جەنە ت. ب.) ٶتكٸزۋگە رۇقسات ەتٸلەتٸنٸ ايتىلدى.
سونداي-اق, دٸني بٸرلەستٸكتەردٸڭ باسشىلىعى, دٸني رەسٸمدەردٸ ٶتكٸزۋ ٷشٸن سانيتارلىق نورمالارعا سەيكەس, بارلىق جاعدايلاردى قامتاماسىز ەتۋ جٶنٸندە تيٸستٸ شارالار قابىلداۋى قاجەت.
ياعني, عيماراتقا كەلۋشٸلەردٸڭ تەمپەراتۋراسىن ٶلشەۋ, بەتپەردەسٸز ازاماتتاردى كٸرگٸزبەۋ, دٸني بٸرلەستٸكتەر اۋماعىندا 2 مەتردەن كەم ەمەس ارالىقتا ارنايى جازىلعان بەلگٸلەر جاساۋ, ٸرگەلەس اۋماقتى تازا ۇستاۋ شارت.
«قالامىزدىڭ دٸني بٸرلەستٸكتەرٸنٸڭ باسشىلارى مەن دٸندار جاماعاتتان وسى ۋاقىتشا شەكتەۋلەرگە تٷسٸنٸستٸكپەن قاراۋلارىن سۇرايمىن. بٸز مۇنداي شەكتەۋلەرگە بٸرٸنشٸ رەت تاپ بولىپ وتىرعان جوقپىز, بەرٸمٸز بۇل قيىندىقتى بٸرلەسە وتىرىپ جەڭەمٸز دەپ سەنەمٸن. سونداي-اق, دٸن ٸستەرٸ باسقارماسىنىڭ قىزمەتكەرلەرٸ سەس جەنە قۇقىق قورعاۋ ورگاندارىنىڭ قىزمەتكەرلەرٸمەن بٸرلەسٸپ, قالانىڭ دٸني عيماراتتارىندا سانيتارلىق نورمالاردىڭ ساقتالۋىنا مونيتورينگ جٷرگٸزەتٸنٸن اتاپ ٶتكٸم كەلەدٸ», - دەدٸ الماتى قالاسى دٸن ٸستەرٸ باسقارماسى باسشىسىنىڭ ورىنباسارى ەرعالي كٶشەكە.
ەستەرٸڭٸزگە سالا كەتەيٸك, 2021 جىلدىڭ 10 ناۋرىزىنان باستاپ الماتى قالاسى كوروناۆيرۋستىڭ تارالۋ قارقىنى بويىنشا «قىزىل ايماقتا» تۇر.
وسىعان بايلانىستى, الماتى قالاسىنىڭ باس مەملەكەتتٸك سانيتار دەرٸگەرٸ جاڭا قاۋلى شىعاردى.
ول وسى جىلدىڭ 13 ناۋرىزىنان باستاپ كٷشٸنە ەنەدٸ.
