Astana ákimdiginiń sheneýnikteri osy jyldyń qyrkúiek aiynan bastap biryńǵai taksige minetinin osyǵan deiin habarlaǵan bolatynbyz. Al kóppen birge taksige otyratyn qala ákiminiń Áset Isekeshevtiń júrgizýshisi kim bolady? Bul suraqqa elorda ákimdiginiń baspasóz ortalyǵynda ótken brifingte Astana qalalyq ortany regeneratsiialaý basqarmasynyń basshysy Ǵani Isqaliev jaýap berdi, dep habarlaidy QazAqparat tilshisi.
«Ákim jalǵa alý quqyǵy boiynsha taksi qyzmetin paidalanatyn bolady. Bul - belgili bir kólik nemese júrgizýshi. Taksopark ol kólikti nemese júrgizýshini aýystyra alady. Bálkim, basqalardan góri, ákimdi alyp júretin júrgizýshige qoiylatyn talap qatań bolýy múmkin. Qaýipsizdik týraly suraityn bolsańyzdar, ákimniń júrgizýshisine beriletin arnaiy artyqshylyqtar nemese attestattaý, testileý joq. Ol da - qarapaiym taksi júrgizýshisi. Ákim demalyp jatqanda ol júrgizýshi basqa da taksister sekildi basqa uiymdar úshin jumysyn jalǵastyra beredi», - dedi Ǵani Isqaliev.
Eske sala ketsek, buǵan deiin astanalyq ákimdiktiń 2018 jyldan bastap, taksi qoldaný boiynsha pilottyq jobaǵa aýysatyny habarlanǵan edi. Osy jyldyń qyrkúiek aiynda qala ákimdigi qyzmettik kólikterden bas tartqaly otyr.
