استانا ەكٸمدٸگٸنٸڭ شەنەۋنٸكتەرٸ وسى جىلدىڭ قىركٷيەك ايىنان باستاپ بٸرىڭعاي تاكسيگە مٸنەتٸنٸن وسىعان دەيٸن حابارلاعان بولاتىنبىز. ال كٶپپەن بٸرگە تاكسيگە وتىراتىن قالا ەكٸمٸنٸڭ ەسەت يسەكەشەۆتٸڭ جٷرگٸزۋشٸسٸ كٸم بولادى? بۇل سۇراققا ەلوردا ەكٸمدٸگٸنٸڭ باسپاسٶز ورتالىعىندا ٶتكەن بريفينگتە استانا قالالىق ورتانى رەگەنەراتسييالاۋ باسقارماسىنىڭ باسشىسى عاني يسقاليەۆ جاۋاپ بەردٸ, دەپ حابارلايدى قازاقپارات تٸلشٸسٸ.
«ەكٸم جالعا الۋ قۇقىعى بويىنشا تاكسي قىزمەتٸن پايدالاناتىن بولادى. بۇل - بەلگٸلٸ بٸر كٶلٸك نەمەسە جٷرگٸزۋشٸ. تاكسوپارك ول كٶلٸكتٸ نەمەسە جٷرگٸزۋشٸنٸ اۋىستىرا الادى. بەلكٸم, باسقالاردان گٶرٸ, ەكٸمدٸ الىپ جٷرەتٸن جٷرگٸزۋشٸگە قويىلاتىن تالاپ قاتاڭ بولۋى مٷمكٸن. قاۋٸپسٸزدٸك تۋرالى سۇرايتىن بولساڭىزدار, ەكٸمنٸڭ جٷرگٸزۋشٸسٸنە بەرٸلەتٸن ارنايى ارتىقشىلىقتار نەمەسە اتتەستاتتاۋ, تەستٸلەۋ جوق. ول دا - قاراپايىم تاكسي جٷرگٸزۋشٸسٸ. ەكٸم دەمالىپ جاتقاندا ول جٷرگٸزۋشٸ باسقا دا تاكسيستەر سەكٸلدٸ باسقا ۇيىمدار ٷشٸن جۇمىسىن جالعاستىرا بەرەدٸ», - دەدٸ عاني يسقاليەۆ.
ەسكە سالا كەتسەك, بۇعان دەيٸن استانالىق ەكٸمدٸكتٸڭ 2018 جىلدان باستاپ, تاكسي قولدانۋ بويىنشا پيلوتتىق جوباعا اۋىساتىنى حابارلانعان ەدٸ. وسى جىلدىڭ قىركٷيەك ايىندا قالا ەكٸمدٸگٸ قىزمەتتٸك كٶلٸكتەردەن باس تارتقالى وتىر.
