Qazaqstanda 16 men 23 jas aralyǵyndaǵy qyzdarǵa arnalǵan IT salasyn tegin úiretetin «Tech girls» baǵdarlamasy iske qosyldy. Ony QR Prezidentiniń janyndaǵy Áielder isteri jáne otbasylyq-demografiialyq saiasat jónindegi Ulttyq komissiia, «Astana Hub» halyqaralyq tehnoparki jáne "Techno Women" kommertsiialyq emes uiymymen birlesip jasap otyr dep habarlaidy «Ult aqparat».
«Bul jas qyzdardyń Aqparattyq tehnologiialar salasyndaǵy áleýetin ashýǵa múmkindik» dep otyr uiymdastyrýshy mamandar Ortalyq Kommýnikatsiia Qyzmetinde ótken baspasóz máslihatynda.
Baǵdarlama aiasynda IT mamandyǵyn tegin úirenem deýshiler ótinimderin osy jyldyń 7 aqpanynan 1 naýryzyna deiin bere alady eken.
«Technowomen» uiymynyń missiiasy - tsifrlyq álemde qyzdar men áielderge jańa múmkindikter ashý. Bizdiń maqsatymyz naqty: Biz tehnologiialyq salalardaǵy áielder sanyn 45% -ǵa deiin arttyrǵymyz keledi. Sondyqtan bizdiń uiym «Tech Girls» baǵdarlamasyna tálimgerlik qoldaý kórsetedi jáne qyzdardy kásiptik baǵdarlaýda, sondai-aq olardyń tsifrlyq quzyretterin arttyrýda erip júretin bolady", - deidi «TechnoWomen» KEU basqarma tóraǵasy Áziza Shýjeeva.
Eki aiǵa sozylatyn «Tech Girls» baǵdarlamasy eldiń barlyq aimaqtarynan kelgen 3000-nan astam qyzdarǵa no Code, Low Code jáne Beta Career baǵyttary boiynsha tegin oqytpaq. Bilim berý vebinarlar, vorkshoptar, tikelei efirler, sondai-aq «Techno Women» jáne «Astana Hub» sarapshylary men tálimgerlerimen sessiialar arqyly júzege asady eken. Oqý kezinde qatysýshylar ózderiniń IT-ónimin qurýǵa jáne jetekshi IT-kompaniialarda taǵylymdamadan ótýge múmkindik alady.
Baǵdarlama týraly bilý úshin 2222 qysqa nómiri boiynsha habarlasýǵa bolady.
