قازاقستاندا 16 مەن 23 جاس ارالىعىنداعى قىزدارعا ارنالعان IT سالاسىن تەگٸن ٷيرەتەتٸن «Tech girls» باعدارلاماسى ٸسكە قوسىلدى. ونى قر پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا, «Astana Hub» حالىقارالىق تەحنوپاركٸ جەنە "Techno Women" كوممەرتسييالىق ەمەس ۇيىمىمەن بٸرلەسٸپ جاساپ وتىر دەپ حابارلايدى «ۇلت اقپارات».
«بۇل جاس قىزداردىڭ اقپاراتتىق تەحنولوگييالار سالاسىنداعى ەلەۋەتٸن اشۋعا مٷمكٸندٸك» دەپ وتىر ۇيىمداستىرۋشى ماماندار ورتالىق كوممۋنيكاتسييا قىزمەتٸندە ٶتكەن باسپاسٶز مەسليحاتىندا.
باعدارلاما اياسىندا IT ماماندىعىن تەگٸن ٷيرەنەم دەۋشٸلەر ٶتٸنٸمدەرٸن وسى جىلدىڭ 7 اقپانىنان 1 ناۋرىزىنا دەيٸن بەرە الادى ەكەن.
«Technowomen» ۇيىمىنىڭ ميسسيياسى - تسيفرلىق ەلەمدە قىزدار مەن ەيەلدەرگە جاڭا مٷمكٸندٸكتەر اشۋ. بٸزدٸڭ ماقساتىمىز ناقتى: بٸز تەحنولوگييالىق سالالارداعى ەيەلدەر سانىن 45% -عا دەيٸن ارتتىرعىمىز كەلەدٸ. سوندىقتان بٸزدٸڭ ۇيىم «Tech Girls» باعدارلاماسىنا تەلٸمگەرلٸك قولداۋ كٶرسەتەدٸ جەنە قىزداردى كەسٸپتٸك باعدارلاۋدا, سونداي-اق ولاردىڭ تسيفرلىق قۇزىرەتتەرٸن ارتتىرۋدا ەرٸپ جٷرەتٸن بولادى", - دەيدٸ «TechnoWomen» كەۇ باسقارما تٶراعاسى ەزيزا شۋجەەۆا.
ەكٸ ايعا سوزىلاتىن «Tech Girls» باعدارلاماسى ەلدٸڭ بارلىق ايماقتارىنان كەلگەن 3000-نان استام قىزدارعا no Code, Low Code جەنە Beta Career باعىتتارى بويىنشا تەگٸن وقىتپاق. بٸلٸم بەرۋ ۆەبينارلار, ۆوركشوپتار, تٸكەلەي ەفيرلەر, سونداي-اق «Techno Women» جەنە «Astana Hub» ساراپشىلارى مەن تەلٸمگەرلەرٸمەن سەسسييالار ارقىلى جٷزەگە اسادى ەكەن. وقۋ كەزٸندە قاتىسۋشىلار ٶزدەرٸنٸڭ IT-ٶنٸمٸن قۇرۋعا جەنە جەتەكشٸ IT-كومپانييالاردا تاعىلىمدامادان ٶتۋگە مٷمكٸندٸك الادى.
باعدارلاما تۋرالى بٸلۋ ٷشٸن 2222 قىسقا نٶمٸرٸ بويىنشا حابارلاسۋعا بولادى.
