Qazaq ulttyq qyzdar pedagogikalyq ýniversiteti 9 ga jer ýchaskesin zańsyz ielikten shyǵarǵan. Bul jaiynda Májilis depýtattarynyń saýalyna Bilim jáne ǵylym ministri Ashat Aimaǵambetovtiń jaýabynda aitylǵan, dep habarlaidy "Ult aqparat".
«Ministrlik 2020 jylǵy jeltoqsanda Qazaq ulttyq qyzdar pedagogikalyq ýniversitetinde ishki aýdit júrgizý barysynda Almaty qalasynyń janyndaǵy Kemertoǵan kentinde ornalasqan, JOO-ǵa tiesili alańy 9 ga jer ýchaskesin zańsyz ielikten shyǵarý faktisin anyqtady», - dedi ol.
Onyń atap ótýinshe, atalǵan fakti boiynsha materialdar quqyq qorǵaý organdaryna tapsyryldy.
«Sondai-aq, 2020 jyly «Q.I.Sátbaev atyndaǵy Qazaq ulttyq tehnikalyq zertteý ýniversiteti» KeAQ pen «Semei qalasynyń Shákárim atyndaǵy ýniversiteti» KeAQ-ta da tekserý júrgizildi. Tekserý nátijesi boiynsha jyljymaityn múlik obektilerin zańsyz ielikten shyǵarý faktileri anyqtalǵan joq», - dedi Ashat Aimaǵambetov.
