قازاق ۇلتتىق قىزدار پەداگوگيكالىق ۋنيۆەرسيتەتٸ 9 گا جەر ۋچاسكەسٸن زاڭسىز يەلٸكتەن شىعارعان. بۇل جايىندا مەجٸلٸس دەپۋتاتتارىنىڭ ساۋالىنا بٸلٸم جەنە عىلىم مينيسترٸ اسحات ايماعامبەتوۆتٸڭ جاۋابىندا ايتىلعان, دەپ حابارلايدى "ۇلت اقپارات".
«مينيسترلٸك 2020 جىلعى جەلتوقساندا قازاق ۇلتتىق قىزدار پەداگوگيكالىق ۋنيۆەرسيتەتٸندە ٸشكٸ اۋديت جٷرگٸزۋ بارىسىندا الماتى قالاسىنىڭ جانىنداعى كەمەرتوعان كەنتٸندە ورنالاسقان, جوو-عا تيەسٸلٸ الاڭى 9 گا جەر ۋچاسكەسٸن زاڭسىز يەلٸكتەن شىعارۋ فاكتٸسٸن انىقتادى», - دەدٸ ول.
ونىڭ اتاپ ٶتۋٸنشە, اتالعان فاكتٸ بويىنشا ماتەريالدار قۇقىق قورعاۋ ورگاندارىنا تاپسىرىلدى.
«سونداي-اق, 2020 جىلى «ق.ي.سەتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتٸ» كەاق پەن «سەمەي قالاسىنىڭ شەكەرٸم اتىنداعى ۋنيۆەرسيتەتٸ» كەاق-تا دا تەكسەرۋ جٷرگٸزٸلدٸ. تەكسەرۋ نەتيجەسٸ بويىنشا جىلجىمايتىن مٷلٸك وبەكتٸلەرٸن زاڭسىز يەلٸكتەن شىعارۋ فاكتٸلەرٸ انىقتالعان جوق», - دەدٸ اسحات ايماعامبەتوۆ.
