Almaty oblysynda 17 jastaǵy qyzdy qalyńdyq retinde urlamaq bolǵan jigitiń ústinen qylmystyq is qozǵaldy, dep habarlaidy "Ult aqparat".
Qazir 19 jastaǵy azamattyń ústinen Qylmystyq kodekstiń 125 baby boiynsha is qozǵalyp, tergeý júrip jatyr. Oqiǵa Ile aýdanynda bolǵan. Al ústinen tergeý júrip jatqan jigit qyzben buǵan deiin júrgenin aityp aqtalyp otyr. Ol ekeýi de Jambyl oblysynyń turǵyndary. Al boijetkendi kólikke qarsylyǵyna qaramastan kúshtep otyrǵyzyp jatqanda qyz balanyń kórshisi kelip, arashalap qalǵan. 17 jastaǵy boijetken Almatydaǵy joǵary oqý oryndarynyń birinde bilim alady.
«QR talaptaryna sáikes adam urlaýǵa oqtalý deregi boiynsha sotqa deiingi tergeý júrip jatyr. Kúdiktiniń jaýabyna sáikes ol qyzdy qalyńdyq retinde, iaǵni otbasyn qurý maqsatynda urlaǵysy kelgenin aitty» dedi Almaty oblystyq PD baspasóz qyzmetiniń ókili Serik Úpiev.
