الماتى وبلىسىندا 17 جاستاعى قىزدى قالىڭدىق رەتٸندە ۇرلاماق بولعان جٸگٸتٸڭ ٷستٸنەن قىلمىستىق ٸس قوزعالدى, دەپ حابارلايدى "ۇلت اقپارات".
قازٸر 19 جاستاعى ازاماتتىڭ ٷستٸنەن قىلمىستىق كودەكستٸڭ 125 بابى بويىنشا ٸس قوزعالىپ, تەرگەۋ جٷرٸپ جاتىر. وقيعا ٸلە اۋدانىندا بولعان. ال ٷستٸنەن تەرگەۋ جٷرٸپ جاتقان جٸگٸت قىزبەن بۇعان دەيٸن جٷرگەنٸن ايتىپ اقتالىپ وتىر. ول ەكەۋٸ دە جامبىل وبلىسىنىڭ تۇرعىندارى. ال بويجەتكەندٸ كٶلٸككە قارسىلىعىنا قاراماستان كٷشتەپ وتىرعىزىپ جاتقاندا قىز بالانىڭ كٶرشٸسٸ كەلٸپ, اراشالاپ قالعان. 17 جاستاعى بويجەتكەن الماتىداعى جوعارى وقۋ ورىندارىنىڭ بٸرٸندە بٸلٸم الادى.
«قر تالاپتارىنا سەيكەس ادام ۇرلاۋعا وقتالۋ دەرەگٸ بويىنشا سوتقا دەيٸنگٸ تەرگەۋ جٷرٸپ جاتىر. كٷدٸكتٸنٸڭ جاۋابىنا سەيكەس ول قىزدى قالىڭدىق رەتٸندە, ياعني وتباسىن قۇرۋ ماقساتىندا ۇرلاعىسى كەلگەنٸن ايتتى» دەدٸ الماتى وبلىستىق پد باسپاسٶز قىزمەتٸنٸڭ ٶكٸلٸ سەرٸك ٷپيەۆ.
