Qazaqstan Qytaiǵa ýran jetkizilimderin ulǵaitýǵa nietti. Bul máseleni Qazaqstannyń energetika ministri MAGATE bas konferentsiiasynyń 63-sessiiasy aiasynda Qytai Halyq Respýblikasy atom energiiasy agenttiginiń tóraǵasymen talqylady, dep habarlaidy Sputnik.
Bozymbaev Qytai men Qazaqstan atom salasynda kóp jyldan beri birge qyzmet istep kele jatqanyn atap ótti. Onyń aitýynsha, búginde eki eldiń kompaniialary Qytaiǵa otyn tabletkalaryn jetkizýde, sondai-aq Qazaqstanda Qytai atom elektr stantsiiasy úshin iadrolyq otyn óndirý zaýytyn birlesip salyp jatyr.
Bozymbaev Qytai atom energetikasynyń qajettiligin qamtamasyz etý úshin qazaqstandyq ónimniń eksporttyq kólemin satyp alý týraly qytai tarapynyń usynysyn qoldady, dep habarlady energetika ministrliginiń baspasóz qyzmeti.
Vedomstvo basshysy sondai-aq Qazaqstan Úndistannyń Atom energiiasy departamentimen ýran jetkizý boiynsha jańa kelisimsharttarǵa qol qoiýǵa daiyn ekendigin atap ótti. Taraptar atom salasyndaǵy yntymaqtastyqty nyǵaitý týraly ýaǵdalasty.
Energetika ministri "Rosatom" memlekettik korporatsiiasynyń ókilderimen de kezdesti. Taraptar VOÝ-NOÝ ("Rosatom" MK) kelisiminiń oryndalýyn, sondai-aq 2018-2020 jyldary Qazaqstanda ýran óndirýdi azaitý boiynsha qabyldanǵan sharalardyń nátijelerin talqylady, bul naryqtaǵy ýran baǵasyna oń áser etti.
