2016 jyldyń 9 aiynda QHR-dyń 86 myń 2013 azamaty Qazaqstanǵa viza alǵan. Olardyń shamamen 86 paiyzy etnikalyq qazaqtar. Bul týraly QR SIM-de ótken baspasóz máslihatynda Qazaqstannyń Qytaidaǵy tótenshe jáne ókiletti elshisi Shahrat Nuryshev málimdedi, - dep habarlaidy "Ult aqparat".
"QHR azamattaryna viza berý - Qazaqstan elshiliginiń kýálik-viza qyzmetiniń jáne QR Bas konsýldyǵynyń mańyzdy qyzmetteriniń biri. QHR-dyń júzdegen myń azamaty QR territoriiasyna kirip, qalyp qoiatyny jaily sóz aitylyp júr. Sondyqtan, Beijińde, Shanhaida, Gonkongta jáne Úrimshide berilgen vizalardyń statistikasyn keltirýge ruqsat etińizder. 2016 jyldyń 9 aiynda Qytaidyń 86 myń 206 azamaty elimizge kirýge viza aldy, onyń 58 myń 474-i etnikalyq qazaqtar, iaǵni 68 paiyzy", - dep túsindirdi Shahrat Nuryshev.
Onyń aitýynsha, 15 myńnan asa iskerlik viza berilgen, 6 myń jumys, 5 myń týristik, 299 oqý, 322 qyzmettik, 23 investorlyq jáne 56 tranzit vizalary.
Al 2015 jyly QHR-dyń 118 myń 321 azamaty viza alǵan. Olardyń 83 358-i, iaǵni 70 paiyzy Qytaida turyp jatqan etnikalyq qazaqtar.
