Biyl elimizde 16 mln tonna dándi daqyl jinalady. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Biyl dándi daqyldar 15,9 mln gektar alqaptan jinalatyn bolady. Oblys ákimdikteriniń málimetterine sáikes ónimdilik gektarynan 10,1 tsentner bolǵanda dándi daqyldardyń boljamdy jalpy túsimi shamamen 16 mln tonnany quraidy»,- dedi ol.
Ministrdiń aitýynsha, ótken jyldardyń aýyspaly qaldyqtaryn eskergende, dándi daqyldar óndirisiniń boljamdy kólemi eldiń ishki qajettilikterin tolyqtai qamtamasyz etýge múmkindik beredi.
«Jańa maýsymda dástúrli túrde qazaqstandyq bidai men un Orta Aziia, Iran men Aýǵanstan naryqtaryna jiberiletin bolady. Astyq sapasynyń joǵary bolýynan Qytaiǵa jóneltiletin bidai (HI-Pro) kólemi artýy múmkin», - dedi Erbol Qarashókeev.
