QR Aýyl sharýashylyǵy ministrligi men QHR Shyńjań-Uiǵyr avtonomiialyq aýdanynyń keden basqarmasy eki memlekettiń shekaralyq keden organdary basshylarynyń jyl saiynǵy otyrysy ótti.
Jiynda qazaqstandyq aýyl sharýashylyǵy ónimderiniń eksportyn jeńildetý joldary qarastyryldy, dep habarlaidy "Ult aqparat".
Is-shara barysynda QR Aýyl sharýashylyǵy ministrliginiń ókilderi qazaqstandyq aýyl sharýashylyǵy taýarlaryn óndirýshilerdi vedomstvanyń kepildigimen Qytaiǵa eksporttaýǵa quqyǵy bar «kásiporyndar» tizimine engizý máselesin talqylady.
Sonymen qatar, Shyǵys Qazaqstan oblysynda QHR Bas keden basqarmasynyń talaptary boiynsha akkredittelgen aýyl sharýashylyǵy ónimderiniń sapasy men qaýipsizdigin baqylaý jónindegi zerthanany ashý, sondai-aq «Qorǵas» shekara mańy yntymaqtastyǵy halyqaralyq ortalyǵy (ShYHO) aýmaǵynda Qytai eli attestattaǵan zerthanasy bar veterinariialyq jáne fitosanitariialyq beketterdi qurý týraly usynystar qaraldy.
Mundai nysandardyń jumysy qazaqstandyq aýyl sharýashylyǵy ónimderiniń shekaralyq baqylaý arqyly ótýin jeńildetýge jáne jedeldetýge múmkindik beredi.
Sondai-aq, Aýyl sharýashylyǵy ministrligi salqyndatylǵan etke, sýbónimderge jáne QR-dan QHR-ǵa eksporttalatyn aýyl sharýashylyǵy ónimderiniń basqa túrlerine qoiylatyn veterinariialyq-sanitariialyq talaptardy qaraý jáne kelisý rásimderin jedeldetýdi usyndy.
QHR Shyńjań-Uiǵyr avtonomiialyq aýdanynyń keden basqarmasy óz kezeginde Qazaqstannan keletin jylqylardyń aýrýlaryn anyqtaityn zerthanalyq diagnostikalaý júiesi boiynsha yntymaqtastyqty damytýdy usyndy.
