Juma kúni tańerteń Qytaidyń Ulttyq meteorologiialyq ortalyǵy eldiń shyǵys jaǵalaýlaryna asa qaýipti sýpertaifýn kele jatqanyn málimdedi, dep habarlaidy «QazAqparat» Xinhua agenttigine silteme jasap.
Joiqyn daýylǵa «Lekima» degen at berildi. Boljamdarǵa sáikes, ol Qytai shyǵysyndaǵy Chjetszian provintsiiasyna senbi kúni jetedi jáne ol biyl Qytaiǵa tóngen toǵyzynshy taifýn bolmaq.
Búgin jergilikti ýaqytpen tańǵy 8-de «Lekimanyń» ortalyǵy Chjetszian provintsiiasyndaǵy Venlin qalasynan ońtústik-shyǵysqa qarai 290 km qashyqtyqta bolǵan. Jeldiń jyldamdyǵy - saǵatyna 209 km ainalasynda.
Taifýnnyń ózi soltústik-batysqa qarai saǵatyna 13 km jyldamdyqpen jyljyp keledi. Dál osyndai jyldamdyqpen júrse, jaǵalaýǵa senbi kúni tańerteń jetedi.
Budan tys, Anhoi, Fýtszian, Tsziansý jáne Chjetszian provintsiialarynda jáne Shanhaida búgin túnde nóser jaýady.
