Iýnnan provintsiiasynyń (Qytaidyń ońtústik-batysy) biligi shekaralas 8 okrýgte (qala) jáne 25 ýezde (qala) jańa koronavirýstyń taralýyn boldyrmas úshin «áskeri jaǵdai» engizdi. Bul týraly provintsiianyń COVID-19-ǵa qarsy kúres jónindegi basqarýshy jumys tobyna silteme jasaǵan «Penpai» gazeti jazdy, dep habarlaidy "Ult aqparat".
Basqarýshy jumys tobynyń málimdemesinde Iýnnan provintsiiasyndaǵy shekaralas 8 okrýgi men 25 ýezdiń «koronavirýstyń taralýyna qarsy turý úshin jedel túrde áskeri jaǵdai rejimine kirý» qajettiligi aitylǵan.
Densaýlyq saqtaý jáne gigiena máseleleri jónindegi jergilikti komitettiń málimeti boiynsha 2020 jylǵy qyrkúiektiń 13-inen 14-ine deiingi kezeńde Iýnnan provintsiiasynda kórshiles Mianmadan «ákelingen» koronavirýstyń rastalǵan eki jaǵdaiy anyqtalǵan.
Mianmamen tikelei shekarada ornalasqan Jýili qalasynyń (Iýnnan provintsiiasy) ákimshiligi atalǵan eldimekenniń barlyq turǵynyn COVID-19-dy anyqtaityn testileýden ótkizý týraly sheshim qabyldady.
Sonymen qatar Jýili qalasynyń barlyq turǵynyna úide oqshaýlanýǵa jáne shuǵyl qajettiliksiz eldimekennen shyqpaýǵa buiryq berildi. 12 qyrkúiekten keiin Jýili qalasynan tys jerlerge shyqqan turǵyndarǵa ózderiniń turǵan jerlerin jergilikti bilikke habarlaýǵa jáne koronavirýsqa mindetti tekserýden ótýge keńes berildi.
Jýilide 200 myńnan astam adam turady. Qala Iýnnan provintsiiasynyń Dehýn-Dai-Tszinpos avtonomiialyq okrýginde, Mianma shekarasynda ornalasqan.
Jeksenbi kúngi jaǵdai boiynsha Iýnnan provintsiiasynda COVID-19 diagnozy rastalǵan jeti patsientem qabyldaýda. Olar shetelden kelgen.
