Qytaidyń alǵashqy «Tiangýn-1» ǵarysh zerthanasy («Aspan saraiy - 1») dúisenbi kúni shamamen saǵat 08:15-te Tynyq muhitynyń ortalyq aidynynda Jer atmosferasyna endi, dep jazdy Sinhýa.
Ǵarysh zerthanasynyń kóp bóligi atmosferanyń tyǵyz qabatynda janyp ketti. Bul týraly Qytaidyń basqarylatyn ǵaryshtyq ushyrylymdar baǵdarlamasynyń keńsesinen habarlady.
Zerthananyń salmaǵy segiz tonna, sondyqtan ol aviatsiianyń qyzmetine nemese Jerdiń betine ziian keltirmeidi. «Tiangýn-1» atmosferaǵa kirgen kezde tolyqtai qirap, janyp ketedi, al Jerge tek onyń bolar-bolmas bóligi túsýi múmkin. Sonymen qatar, onyń salmaǵy jeńil bolǵandyqtan, qaldyqtarynyń jyldamdyǵy baiaý bolady.
«Tiangýn-1» 2011 jyldyń 29 qyrkúieginde ushyrylǵan edi jáne 2016 jyldyń naýryzynda óz qyzmetin aiaqtaǵannan keiin qoldanystan shyǵaryldy.
Zerthana orbitada bolǵan kezde oǵan «Shenchjoý-8», «Shenchjoý-9» jáne «Shenchjoý-10» qytailyq ǵarysh kemeleri sátti túiistirilgen bolatyn.
