QHR tóraǵasy Si Tszinpinmen eki jaqty kezdesý barysynda Qazaqstan prezidenti Nursultan Nazarbaev taýar almasý boiynsha qytailyq jáne qazaqstandyq málimetterdiń bir-birine qaishy kelip otyrǵanyna tańdandy, - dep habarlaidy kaz.tengrinews.kz tilshisi.
"Biz energetikalyq yntymaqtastyq máselesin sheshtik, Qazaqstanda óndiriletin munaidyń 25 paiyzyn Qytai kompaniialary óndirip jatyr. Qazir ol kompaniialar kelisimsharttardy sozý máselesin kóterdi. Birge jumys istegen jyldary Qazaqstan arqyly 100 million tonna munai jáne 180 million sharshy metr gaz ótti. Qytaidyń shekara qyzmetteriniń málimeti boiynsha, taýar almasý 46 paiyzǵa ósken, bizdiń málimet boiynsha - 30 paiyz. Nege mundai aiyrmashylyq baryn túsinbedim. Nelikten esepteý ádisi ózge?", - dedi Qazaqstan basshysy Si Tszinpinge.
Nazarbaev eki el arasynda sheshilmegen máseleler joǵyn atap ótti. Prezidenttiń aitýynsha, Qytai ekonomika, tikelei sheteldik investitsiia, berligen kreditter men ortaq kásiporyndar boiynsha Qazaqstannyń negizgi seriktesi.
"Qazir biz 51 kásiporyndy Qazaqstanǵa kóshirý kelisimin júzege asyryp jatyrmyz. Úsheýi jumys istep tur, altaýy daiyndalyp jatyr. Energetika, kólik salasy men logistika boiynsha jumys júrgizilip jatyr. Sizdiń "Bir beldeý, bir jol" atty Jibek Jolyn damytý ideiańyzdy erekshe atap ótkim keledi", - deidi Elbasy.
Nazarbaevtyń aitýynsha, Qazaqstan halqy Qytaidyń jaqyn kórshisi ǵana emes, senimdi qarym-qatynastaǵy dos, seriktes ekenin biledi.
Óz kezeginde Si Tszinpin Qazaqstan men Qytaidyń tyǵyz qarym-qatynasyn rastap, Jibek Joly bastamasyna qoldaý bildirgeni úshin Nazarbaevqa alǵys aitty.
"Biz barlyq deńgei boiynda, joǵary deńgeide tyǵyz qarym-qatynastamyz. Bul qytailyq-qazaqstandyq qarym-qatynastyń strategiialyq sipatyn tolyq kórsetedi. Bizdiń qatynasymyz ózge elderge úlgi deýge de bolady. Meni jyly qarsy alǵandaryńyzǵa alǵysymdy bildirgim keledi. Men Beijiń qonaqúiine (Astanadaǵy Beijing Palace) toqtadym, osy jerde óz úiimdei bolamyn", - deidi QHR basshysy.
Eske salaiyq, Qazaqstan astanasynda Shanhai yntymaqtastyq uiymynyń (ShYU) sammitiniń ashylýy ótip jatyr. Astanaǵa resmi saparmen Qytai basshysymen birge Resei prezidenti Vladimir Pýtin de keldi.
Astanadaǵy samitte talqylanatyn basty másele uiymǵa Úndistan men Pákistannyń qosylýy.
