Qytaida 2021 jyl bastalǵaly alǵash ret bir táýlikte bir de bir adam koronavirýs infektsiiasyn juqtyrmaǵan. Bul týraly dúisenbi kúni QHR Gigiena jáne densaýlyq saqtaý máseleleri boiynsha memlekettik komiteti málimdedi, dep habarlaidy "Ult aqparat".
Olardyń málimetinshe, Qytaidyń meditsina mekemelerinde áli virýs juqtyrǵan 277 naýqas em alyp jatyr.
Jalpy shet elden kelgen, infektsiiaǵa shaldyqqandar sany 4804-ke jetti, onyń 4527-i jazylyp shyqty.
Statistika boiynsha, QHR qurlyq bóliginde virýs juqtyrǵandardyń 93,58% jazylǵan.
Infektsiiaǵa shaldyqqandar sany – 89,7 myńnan asty, ólim kórsetkishi - 5,16% (4,6 myńnan asa adam qaitys boldy).
Qazirgi kúni infektsiiaǵa shaldyqqandarmen tyǵyz bailanysta bolǵan 27,6 myń turǵyn meditsina qyzmetkerleriniń baqylaýynda.
Ótken táýlikte Qytai biligi esh belgisi joq 16 virýs tasymaldaýshyny anyqtady, onyń 15-i shetelden kelgen.
Qytai úkimeti simptomsyz tasymaldaýshylardy jalpy statistikaǵa qospaidy jáne bólek baǵanda kórsetedi.
Jalpy 639 simptomsyz naýqasty meditsina qyzmetkerleri baqylap otyr, onyń 291-i shetelden kelgen.
Eske sala ketsek, 2020 jyldyń jeltoqsanynyń ekinshi bóliginde Qytaidyń ońtústik-batysyndaǵy Sychýan provintsiiasynda, sodan keiin Hebei, Heilýntszian, Tszilin jáne Qytaidyń soltústik-shyǵysyndaǵy basqa da aimaqtarynda COVID-19 oshaqtary anyqtala bastady.
Jergilikti BAQ habarlaýynsha, qys kezinde elde jalpy 2071 jergilikti juqtyrý oqiǵalary tirkelgen.
Qytai meditsina sarapshylarynyń aitýynsha, koronavirýs juqtyrý oqiǵalarynyń azaiýyna Qytai aimaqtarynda qabyldanǵan qatań sanitariia-epidemiialogiialyq sharalar jáne shetelden kelgen jáne taýar importtaityn adamdarǵa qatysty erejeler sebep boldy.
