Memleket basshysy Qasym-Jomart Toqaev «31 arnadan» kórsetilgen «Prezident 2.0» derekti filminde jemqorlyq týraly aitty, dep habarlaidy QazAqparat.
Reseilik jýrnalist Aleksei Pivovarpen suhbat barysynda QR Prezidenti jemqorlyq úshin ólim jazasyna kesilgenderdi óz kózimen kórgenin jetkizdi.
«Bir ret jemqorlyqpen ustalǵan adamdardyń stadionda atylǵanyn kórdim. Ondai da bolǵan. Áseri aýyr endi. Júk mashinasynan kózderi bailaýly adamdardy túsirip ákeldi de, úkimderin oqyp shyqty. Ár adamnyń jelkesinen atty. Bul 1988 jyly Qytaidyń ońtústigindegi qalalardyń birinde boldy», - dep eske aldy Prezident.
Qasym-Jomart Toqaev mundai jazaǵa qatysty óziniń pikirin bildirdi.
«Bir jaǵynan mundaidy kórýdiń ózi aýyr. Ekinshi jaǵynan synap ta otyrǵan joqpyn. Bul - sol memlekettiń tarihi jáne mádeni dástúri. Eger osyndai tásil qoldanbasa, eldegi jaǵdaidy baqylaýda ustai almaý qalýy múmkin. Aitpaqshy, ol jaqta tek jemqorlyq úshin ǵana emes, tonaý, qaraqshylyq, zorlyq kórsetý siiaqty qylmystar úshin de atý jazasy qoldanylady», - dedi Prezident.
Condai-aq, Qasym-Jomart Toqaev Qytai úlken áleýetke ie ekenin atap ótti. Qytai ekonomikalyq jetistikke, memleket basshysynyń pikirinshe, aýqymdy reformalar men shekaralas aýmaqtardaǵy naryqty ashýdyń arqasynda qol jetkizip otyr.
Aita keteiik, Qasym-Jomart Toqaev «31» arnadan júrip jatqan «Prezident 2.0» derekti filminde Prezident laýazymyna qalai boi úiretkenin de aitty.
