Qytaidyń jeke jáne áskeri ǵylymi-zertteý institýttary birge jasap shyǵarǵan koronavirýsqa qarsy Ad5-nCoV vaktsinasyn Ortalyq áskeri keńes maquldady. Ol budan bylai «arnaiy áskeri preparat» retinde Qytai áskerinde qoldanylatyn boldy, dep habarlaidy jergilikti Global Times agenttigi.
QHR Ortalyq áskeri keńesi materialdyq-tehnikalyq qamtamasyz etýdiń birikken kúshterine qarasty gigiena jáne densaýlyq saqtaý máseleleri basqarmasy rekombinatty ekpeni bir jylǵa paidalanýǵa ruqsat berdi.
«Bul vaktsina áskerde ǵana qoldanylady, al kópshilik qaýymnyń paidalanýy úshin QHR Ortalyq áskeri keńesi tiisti departamentiniń ruqsatyn alý kerek» dep jazady Global Times.
BAQ ókilderiniń habarlaýynsha, jalpy klinikalyq nátije Ad5-nCoV vaktsinasynyń SARS-CoV-2 virýsynan týyndaityn aýrýlardyń aldyn alýǵa shamasy jetetinin kórsetip otyr.
Ad5-nCoV ekpesiniń klinikalyq testiden ótkizýdiń birinshi jáne ekinshi satysy Qytaida ótken. Test nátijesi qaýipsizdiktiń jaqsy deńgeiin jáne gýmoraldy jáne jasýshalyq immýndyq jaýaptyń joǵary deńgeiin kórsetken.
Aita keteiik, koronavirýsqa qarsy Ad5-nCoV ekpesin qytailyq CanSino Biologics kompaniiasy men Qytai halyq-azattyq áskeriniń áskeri-meditsinalyq ǵylymdar akademiiasy birge jasap shyǵardy.
