Ǵalymdar shamamen 66 million jyl boiy jaqsy saqtalǵan dinozavr embrionyn tapty. Ol balapan siiaqty jumyrtqany jaryp shyǵý aldynda bolǵan, dep habarlaidy QazAqparat BBC-ge silteme jasap.
Tasqa ainalǵan dinozavr jumyrtqasy Qytaidyń ońtústigindegi Ganchjoý qalasynan tabylǵan. Ol – tissiz, terapod otriadynyń tarmaǵyna jatatyn kesirtke qaýyrsynyn jamylǵan oviraptorozavr. Ǵalymdar ony «Inlian balaqai» dep atady.
«Bul tarihta buryn-sońdy tabylǵan úzdik embriondardyń biri», - deidi Birmingem ýniversitetiniń zertteýshisi jáne iScience jýrnalyndaǵy maqala avtory Fion Vaisým Ma. Embrion kezdeisoq tabyldy. Zertteýshi top ondaǵan jyldar boiy qoimada shań basyp jatqan dinozavr jumyrtqalaryn zertteý kezinde olardyń ishinde embrion bolýy múmkin dep oilaǵan. Osy oimen jumyrtqanyń tasqa ainalǵan qabyǵyn alǵyp tastaǵan zertteýshiler Inliandy kóredi.
Ǵalymdardyń aitýynsha, embrionnyń jasy – 72-66 million jyl. Jumyrtqany kóshkin basyp qalyp, ol jyrtqyshtardyń jemine ainalmaǵan bolýy múmkin.
