عالىمدار شامامەن 66 ميلليون جىل بويى جاقسى ساقتالعان دينوزاۆر ەمبريونىن تاپتى. ول بالاپان سيياقتى جۇمىرتقانى جارىپ شىعۋ الدىندا بولعان, دەپ حابارلايدى قازاقپارات BBC-گە سٸلتەمە جاساپ.
تاسقا اينالعان دينوزاۆر جۇمىرتقاسى قىتايدىڭ وڭتٷستٸگٸندەگٸ گانچجوۋ قالاسىنان تابىلعان. ول – تٸسسٸز, تەراپود وتريادىنىڭ تارماعىنا جاتاتىن كەسٸرتكە قاۋىرسىنىن جامىلعان وۆيراپتوروزاۆر. عالىمدار ونى «ينليان بالاقاي» دەپ اتادى.
«بۇل تاريحتا بۇرىن-سوڭدى تابىلعان ٷزدٸك ەمبريونداردىڭ بٸرٸ», - دەيدٸ بيرمينگەم ۋنيۆەرسيتەتٸنٸڭ زەرتتەۋشٸسٸ جەنە iScience جۋرنالىنداعى ماقالا اۆتورى فيون ۆايسۋم ما. ەمبريون كەزدەيسوق تابىلدى. زەرتتەۋشٸ توپ ونداعان جىلدار بويى قويمادا شاڭ باسىپ جاتقان دينوزاۆر جۇمىرتقالارىن زەرتتەۋ كەزٸندە ولاردىڭ ٸشٸندە ەمبريون بولۋى مٷمكٸن دەپ ويلاعان. وسى ويمەن جۇمىرتقانىڭ تاسقا اينالعان قابىعىن العىپ تاستاعان زەرتتەۋشٸلەر ينلياندى كٶرەدٸ.
عالىمداردىڭ ايتۋىنشا, ەمبريوننىڭ جاسى – 72-66 ميلليون جىل. جۇمىرتقانى كٶشكٸن باسىپ قالىپ, ول جىرتقىشتاردىڭ جەمٸنە اينالماعان بولۋى مٷمكٸن.
