Almaty qalasynyń taýarlar men kórsetiletin qyzmetterdiń sapasy men qaýipsizdigin baqylaý departamenti Qytaidaǵy qolaisyz epidemiologiialyq jaǵdaiǵa bailanysty qandai sharalar qoldanylyp jatqanyn aitty, – dep habarlaidy QazAqparat.
Departamenttiń málimetinshi, 2012 jyldyń qyrkúieginde Taiaý Shyǵys elderinde jańa virýstyq infektsiialyq aýrý, belgileri pnevmoniiaǵa uqsaityn koronavirýs anyqtalǵan. Bul juqpaly aýrýdyń qaýpi - ony emdeitin arnaiy preparattyń bolmaýy. Osyǵan bailanysty ólim deńgeii 50%-dan asady. Bul infektsiia adamǵa aýa arqyly juǵady. Buǵan deiin mundai jaǵdailar Saýd Arabiiasy, Frantsiia, Germaniia, Iordaniia, Ulybritaniia jáne Ońtústik Koreiada tirkelgen.
2015 jyly koronavirýstyq infektsiia Ońtústik Koreiadan shyqty. Atalmysh infektsiiany juqtyrǵandardyń sany 108 adamnan asty.
2020 jyldyń qańtar aiynan bastap Qytaida pnevmoniiaǵa uqsaityn 44 jaǵdai tirkeldi. 11 naýqastyń jaǵdaiy aýyr. Eki adam qaitys boldy. Búgin qytai epidemiologtary belgisiz pnevmoniianyń sebebin - koronavirýstyń jańa túrin anyqtady.
Qytaidaǵy koronavirýstyq infektsiianyń epidemiologiialyq jaǵdaiyna bailanysty Almaty qalasynyń taýarlar men qyzmetterdiń sapasy men qaýipsizdigin baqylaý departamenti mynadai aldyn alý sharalaryn qabyldady:
– Almaty halyqaralyq áýejaiyndaǵy sanitarlyq baqylaý pýnkti jolaýshylardyń dene qyzýyn teplovizor arqyly tekseredi.
– Saqtyq sharalary da qarastyrylǵan. Meditsinalyq-profilaktikalyq jáne zerthanalyq qyzmettermen qamtamasyz etildi. Bári daiyn.
– QazAqparatqa Qytaida belgisiz pnevmoniianyń tirkelýi týraly aqparat jiberildi, onyń aldyn alý boiynsha usynystar berildi;
«Koronavirýs infektsiiasy tirkelgen qolaisyz epidemiologiialyq jaǵdaiy bar elderge baratyn azamattar aýrýdyń aldyn alý sharalaryn qoldanýy tiis. Adam aýrýdyń alǵashqy belgilerin baiqasa shuǵyl meditsinalyq kómekke júginýi tiis», - dep atap ótti departamenttegiler.
Sonymen qatar, juqpaly aýrý belgileri bar adamdarmen tyǵyz bailanysta bolýdan (jótel, túshkirý) aýlaq bolý kerek. Mamandardyń aitýynsha, koronavirýstyń 40-qa jýyq túri bar. Onyń ziiany adamdarǵa, itter men mysyqtarǵa, sonymen qatar iri qara mal, dońyz ben qustarǵa tiedi. Infektsiia tynys alý joldaryn, júike júiesi men asqazan-ishek joldaryn zaqymdaidy.
