Qytaidyń Gýichjoý provintsiiasynda salynyp jatqan avtoturaqtyń ǵimaraty qulap, segiz adam qaza tapty, taǵy ekeýi jaralanǵan, dep habarlaidy Xinhua agenttigi.
Jergilikti bilik ókilderiniń aitýynsha, oqys oqiǵa jergilikti ýaqytpen 16:21-de qurylys alańynda bolǵan. Jer astyna salynyp jatqan avtoturaqta apat bolǵan kezde14 adam jumys istep jatqan. Úsh jumysshy qashyp úlgergen, taǵy bireýi qutqarylǵan, on jumysshyny úiindi basyp qalǵan.
Qutqarý jumysy 11 saǵatqa sozylǵan. Úiindiniń astynan segiz adamnyń denesi tabyldy, eki adam aýrýhanaǵa jetkizilgen.
Oqiǵaǵa qatysty tergeý júrip jatyr.
