«Lekima» taifýny saldarynan Qytai shyǵysynan milliondaǵan adam evakýatsiialandy, dep habarlaidy inhua agenttigi.
Alapat daýyl Chjetszian provintsiiasynyń Venlin qalasyna jetken. Bul biyl Qytaiǵa tóngen toǵyzynshy taifýn. Sýpertaifýnnyń jyldamdyǵy saǵatyna 187 km ainalasynda. Sinoptikter daýyl Anhoi, Fýtszian, Tsziansý, Chjetszian provintsiialaryna jáne Shanhaiǵa nóser alyp keledi dep boljaidy.
Keshe kúndiz Chjetszian provintsiiasynda Tótenshe jaǵdai jariialandy. 700 000 adam kóshirilip, ýaqytsha baspanalarǵa ornalastyryldy.
Provintsiia boiynsha júzdegen keme, 288 reis, tipti poiyzdar toqtatyldy. Jergilikti bilik myń adamnan quralǵan qutqarý komandasyn jasaqtap, 150 órt sóndirý mashinasyn, 153 qaiyqty daiyndap otyr.
Senbi tańynda Shanhaida 253 000 adam qaýipsiz jerge kóshirildi, poiyzdar toqtap tur. Taifýn saldarynan qazirdiń ózinde 3 000 aǵash qulap, júzdegen elektr symdary úzilgen. Zaqym kelgen elektr jelileriniń 80-i qalpyna keltirildi.
Shanhaidyń sý tasqynymen kúres departamentiniń málimdeýinshe, qazir qalada nóser quiyp tur.
Taifýn soltústikke qarai 15 km/s jyldamdyqpen jyljyp, barǵan saiyn álsirep keledi.
