Foto:CGTN/REUTERS
Qutqarýshylar Qytaida qulaǵan Boeing-tiń alǵashqy qara jáshigin tapty, - dep habarlaidy Tengrinews.kz tilshisi Reuters-ke silteme jasap.
Sársenbide Qytaidyń ońtústiginde qulaǵan Boeing 737-800 ushaǵynyń eki qara jáshiginiń biri tabyldy. Qytaidyń azamattyq aviatsiia basqarmasynyń (CAAC) ókili Chjý Tao qalpyna keltirilgen qara jáshik ushqysh kabinasyndaǵy diktofon ekenin aitty.
Chjý Taonyń aitýynsha, qara jáshik Beijińdegi institýtqa tekseriske jiberilgen. Kabina diktofony tergeýshilerge reistiń úsh ushqyshy arasyndaǵy bailanys týraly tolyq aqparatty berýi múmkin.
Apat sebebi áli anyqtalmaǵan. Sondai-aq, aman qalǵandar da áli tabylmady.
Aita keteiik, 21 naýryzda China Eastern Airlines kompaniiasynyń ushaǵy Qytaidyń ońtústigindegi Gýansi-Chjýan aimaǵynda apatqa ushyraǵan edi. Bortta 132 adam bolǵan.
