Densaýlyq saqtaý ministrliginiń resmi ókili Dias Ahmetshárip koronavirýs infektsiiasy boiynsha jalpy álemdegi ahýal týraly baian etti, dep habarlaidy QazAqparat.
«Qytaida 80302 naýqas tirkelgen. Bir táýlikte 128 adamǵa ósti. Ol degenimiz – 0,16 paiyzdy quraidy. Onyń 2946-y qaitys boldy. Emdelip shyqqandardyń sany – 47260 adam. Bul kórsetkish – 58,8 paiyzdy quraidy. Statsionarda qazir 3096 naýqas emdelýde. Qaitys bolǵandardyń orta jasy – 75 jasta», - dedi ol Qazmediada ótken baspasóz máslihatynda.
Onyń aitýynsha álem boiynsha 76 elde 12575 naýqas tirkelip, onyń 221-i qaitys bolǵan. Atap aitqanda Iranda 77 adam, Italiiada 79 adam, Koreiada 34 adam, krýizdik lainerde bolǵan 7 adam, Japoniiada 6, AQSh-ta 9, Frantsiiada 4, Filippin araldarynda 1, Tailandta 1, Avstraliiada 1, San-Marinoda bir adam kóz jumǵan. Táýliktik ósim 24,1 paiyzdy qurap otyr.
