Qytaida bir táýlikte 406 jańa kornavirýs juqtyrý oqiǵasy tirkelip, osy infektsiiadan 52 naýqas qaitys boldy, dep habarlaidy Sinhýa agenttigi.
QHR Densaýlyq saqtaý isteri boiynsha memlekettik komiteti sársenbi kúni 406 jańa kornavirýs juqtyrǵan adamdy anyqtady, al seisenbi kúni 52 adam osy infektsiiadan qaitys boldy. Ólimniń barlyǵy Hýbei provintsiiasynda (Ortalyq Qytai) tirkeldi, dep habarlady mekemedegiler.
Seisenbi kúni taǵy 439 adam indet juqtyrýy múmkin degen kúdikpen tirkelgen. Sol kúni 2422 naýqas saýyǵyp, aýrýhanadan shyǵaryldy, derttiń aýyr túriniń sany azaiyp jatyr.
Seisenbiniń sońyndaǵy derek boiynsha, Qytaida (Siangan, Aomen jáne Taivandy esepke almaǵanda) koronavirýs juqtyrǵan 78 064 adam tirkelip, 2 715-si osy aýrýdan óldi. Taǵy 2491 adamda koronavirýs infektsiiasyn juqtyrdy degen kúdik bar, dep tolyqtyrdy komitettegiler.
Elde 29 745 adam dertinen aiyǵyp, aýrýhanadan shyǵaryldy. Naýqastarmen tyǵyz bailanysta bolǵan 79 108 adam meditsina qyzmetkerleriniń baqylaýynda.
