Qytaida jańa koronavirýs infektsiiasyna qarsy vaktsinalardyń 400 mln-nan astam dozasy egildi, dep jazady "Ult aqparat" QHR Densaýlyq saqtaý isteri jónindegi memlekettik komitetine silteme jasap.
Quzyrly vedomstvonyń málimetinshe, 2021 jylǵy 17 mamyrdaǵy jaǵdai boiynsha 31 provintsiia (avtonomdy aýdandar, ortalyq baǵynystaǵy qalalar) jáne Shyńjań óndiristik-qurylys korpýsynda koronavirýsqa qarsy vaktsinanyń 406 938 000 dozasy engizilgen.
Ótken táýlikte Qytaida Covid-19 juqtyrýdyń 22 jańa jaǵdaiy tirkeldi (onyń ishinde 4 jaǵdai – jergilikti), ólim-jitim joq.
Qytaidyń soltústik-shyǵysyndaǵy Liaonin provintsiiasynda jergilikti koronavirýs infektsiiasynyń tórt jaǵdaiy anyqtaldy. Osyǵan bailanysty Liaonin provintsiiasynyń Inkoý qalalyq okrýginde jergilikti halyqty jappai testileý naýqany bastaldy.
Sońǵy resmi málimetterge sáikes, Qytaida virýstan patsientterdiń 94,57%-y emdelip shyqty. 2019 jyldyń jeltoqsan aiynan bastap koronavirýs juqtyrǵandar sany 90 myńnan asty. Ólim deńgeii 5,1%-dy quraidy (4636 adam koronavirýstan qaitys boldy).
