Qytaida koronavirýs infektsiiasyna qarsy 900 mln doza vaktsina egildi. Bul týraly Qytaidyń Densaýlyq saqtaý jónindegi memlekettik komitetiniń málimdemesinde aitylǵan, dep habarlaidy "Ult aqparat".
Beiindi vedomstvonyń deregine sai, sársenbidegi jaǵdai boiynsha eldiń 31 provintsiiasy (avtonomiialyq aýdandar, ortalyqqa baǵynatyn qalalar) men Shyńjań óndiristik-qurylys korpýsynda koronavirýsqa qarsy barlyǵy 923 910 000 doza vaktsina egilgen.
Ótken táýlikte qurlyqtyq Qytaida COVID-19 juqtyrýdyń jańa 19 oqiǵasy (olardyń tórteýi - jergilikti) tirkelgen, ólim sany joq. Koronavirýs juqtyrýdyń jergilikti oqiǵalarynyń tórteýi de Qytaidyń ońtústigindegi Gýandýn provintsiiasynda anyqtalǵan.
Sońǵy resmi derekterge sáikes, qurlyqtyq Qytaida COVID-19 juqtyrǵan naýqastardyń 94,39%-y emdelip shyqqan. 2019 jyldyń jeltoqsanynan bastap koronavirýs juqtyrǵandardyń sany 91 511 adamǵa jetti. Ólim kórsetkishi – 5,06% (koronavirýstan 4 636 adam qaitys boldy).
Eske sala keteiik, Qytaidyń Densaýlyq saqtaý jónindegi memlekettik komitetinde osy jyldyń sońyna deiin halyqtyń kem degende 70%-y COVID-19-ǵa qarsy vaktsina alady dep kútiledi.
