Qytaida koronavirýsqa qarsy 16 vaktsina klinikalyq zertteýden ótkizýge maquldandy, onyń altaýy synaqtyń úshinshi kezeńine jetti. Buǵan QHR Dári-dármekti baqylaý jónindegi memlekettik basqarmasynyń málimetteri dálel, dep habarlaidy QazAqparat.
Koronavirýsqa qarsy eki qytailyq belsendi emes vaktsina naryqqa shyqqan bolatyn. Olar sáikesinshe 2020 jyldyń jeltoqsanynda jáne 2021 jyldyń aqpanynda ruqsat aldy.
Sonymen qatar, Qytai taǵy tórt túrli tehnologiialyq tásilderdi qoldana otyryp, koronavirýsqa qarsy vaktsinalar ázirleýde.
Atap aitqanda, bul - rekombinantty preparattar, adenovirýstyq vektorǵa negizdelgen vaktsinalar, nýklein qyshqyldary, sondai-aq tumaý virýstaryna negizdelgen vaktsinalar.
Eske sala keteiik, 9 aqpandaǵy jaǵdai boiynsha Qytai halqynyń negizgi toptary koronavirýsqa qarsy vaktsinanyń 40,52 million dozasyn aldy.
Qytai halqynyń negizgi toptaryna arnalǵan COVID-19 virýsyna qarsy vaktsinatsiia 2020 jyldyń 15jeltoqsanynda bastalǵan bolatyn.
Ótken jyldyń jeltoqsan aiynyń sońynda Qytaida alǵashqy koronavirýsqa qarsy vaktsina maquldandy.
