QHR Densaýlyq saqtaý isteri boiynsha komiteti senbi kúni eldiń 31 ákimshilik provintsiialyq aimaǵynan jáne Shyńjań óndiristik-qurylys korpýsynan koronavirýs juqtyrýdyń jańadan 2641 jaǵdaiy tirkelgeni jáne taǵy 143 adamnyń kóz jumǵany týraly málimet alǵan, dep habarlaidy "Ult aqparat" Sinhýa agenttigine silteme jasap.
14 aqpan kúniniń sońyndaǵy málimetter boiynsha, 31 ákimshilik provintsiialyq aimaq pen Shyńjań óndiristik-qurylys korpýsynda koronavirýstyń jańa túrine shaldyǵýdyń rastalǵan jaǵdailary barlyǵy 66 492 adamdy qurady. Indetten osy kúnge deiin 1523 adam qaza tapty.
«11 053 naýqastyń jaǵdaiy aýyr, virýsty juqtyrdy degen kúdikpen 8969 adam tekserilip jatyr. Jumanyń sońyndaǵy málimet boiynsha, 8096 adam aýrýynan aiyǵyp, aýrýhanadan shyǵaryldy. Naýqastarmen bailanysta bolǵan 513 183 adam dárigerlerdiń qatań baqylaýynda bolyp, 30 081-ne meditsinalyq tekseris jasaldy», - delingen málimette.
