Qytaidyń Hýbei provintsiiasynan basqa aimaqtardaǵy jańa koronavirýsty juqtyrý oqiǵasy 6 kúnnen beri azaiyp kele jatyr, dep habarlaidy "Ult aqparat".
Resmi statistikaǵa sáikes, ótken táýlikte (9 aqpandaǵy jaǵdai boiynsha – avt.) materiktik Qytaidyń Hýbei provintsiiasynan basqa aimaqtarynda jańa koronavirýsty (NCP, Novel Coronavirus Pheunomia) 444 adam juqtyrǵan.
Ótken jeksenbide Densaýlyq saqtaý isteri boiynsha Memlekettik komitettiń baspasóz hatshysy Mi Fen Hýbei provintsiiasynan tys aýmaqta tirkelgen naýqastar sany kún saiyn 890-nan (3 aqpandaǵy jaǵdai) 509 oqiǵaǵa (8 aqpan) deiin azaiǵanyn aitty. Tómendeý 42,8% qurady.
«Bul aldyn alý jáne baqylaý mehanizmi, sonymen qatar QHR ákimshilik-aýmaqtardaǵy qatań táritiptik sharalar nátije bergenin kórsetedi», - dep atap ótti sheneýnik.
Ótken táýlikte qurlyqtyq Qytaida jańa indetti juqtyrǵan 3062 adam tirkelip (Hýbei provintsiiasynda – 2618), 97-si ólimmen aiaqtaldy (Hýbeide – 91), saýyqqandar men emhanadan shyǵarylǵandar sany – 632 (Hýbeide – 356).
Sońǵy málimetter boiynsha, QHR-da qaýipti indetti juqtyrǵandardyń jalpy sany 40 171-di quraǵan. 908 naýqas mert bolyp, 3281 adam saýyǵyp, aýrýhanadan shyǵaryldy.
Ótken jeksenbide koronavirýs oshaǵyna ainalǵan Hýbei provintsiiasy biligi alǵash ret aimaqta koronavirýstan bolǵan ólim sanynyń paiyzdyq kórsetkishin jariialady (8 aqpandaǵy jaǵdai boiynsha - avt). Koronavirýstan bolǵan ólim-jitim deńgeii provintsiiada – 2,88%, al ákimshilik ortalyǵy Ýhan qalasynda 4,06%-dy quraidy.
Jalpy Qytaida indetten qaza tapqandardyń 97%-y Hýbei provintsiiasynda tirkelgen.
