Qytaida koronavirýs indetine bailanysty jaǵdai biylǵy jyldyń sáýir aiynyń sońyna qarai baqylaýǵa alynady. Beisenbi kúni ótken brinfingte QHR Densaýlyq saqtaý isteri jónindegi memlekettik komitetiniń sarapshylar tobynyń jetekshisi Chjýn Nanshan osyndai málimdeme jasady, dep habarlaidy "Ult aqparat" jergilikti BAQ-qa silteme jasap.
«Biz buryn epidemiianyń sharyqtaý shegi aqpannyń ortasynda nemese sońynda bolady dep boljaǵan edik. 15 aqpannan keiin koronavirýs anyqtalǵan jańa jaǵdailardyń sany azaia bastady. Indettiń sáýir aiynyń sońyna deiin baqylaýǵa alynatynyna senimdimiz», - dedi Chjýn Nanshan.
Ol «epidemiiaǵa qatysty boljamdar jasaǵanda, biz eń aldymen Qytaidy nazarǵa alyp, basqa elderdi qarastyrmaitynymyzdy» málim etti.
«Indet alǵash ret QHR-da týyndady, biraq Qytaida bastaldy deý mindetti emes», - dep atap ótti qytai akademigi.
Chong Nanshan: «koronavirýstyń shyǵý kózi áli de túsiniksiz», - dep málimdedi.
Jalpy alǵanda, ótken táýlik ishinde (26 aqpanda saǵat 24:00-ge deiingi jaǵdai boiynsha) Qytaida koronavirýs juqtyrýdyń 433 jańa jaǵdaiy anyqtaldy, 29-y kóz jumdy, 2750 adam emdelip, aýrýhanalardan shyǵaryldy.
