Qytai shyǵysyndaǵy Fýtszian provintsiiasynda qonaqúidiń opyrylyp qulaýy saldarynan qaza bolǵan adamdardyń sany 29-ǵa jetti.
Beisenbi kúni qutqarýshylar úiindiler astynan taǵy bir adamnyń denesin shyǵardy. Bul týraly Sinhýa agentigi habarlady.
Qutqarý qyzmetiniń jergilikti shtaby bergen málimetke sáikes, qaza bolǵan adamnyń denesi tańerteń saǵat 11:04-te Tsiýanchjoý qalasynda anyqtalǵan.
Lisen aýdanynda ornalasqan «Sintszia» qonaqúii senbi kúni keshke opyrylyp qulady. Úiindiler astynda 71 adam qaldy. Sonyń 27-si kóz jumdy. Taǵy ekeýi tiri tabyldy, alaida olardy qutqarý múmkin bolmady.
Aldyn ala tergeý qonaqúi ǵimaratynyń qurylysy, jóndeý jumystary jáne tapsyrylǵan kezde kúrdeli kemshilikterge jol berilgeni anyqtalǵan.
Oqiǵaǵa jaýapty adamdar qamaýǵa alyndy, dep habarlady Tsiýanchjoý qalasy ákiminiń orynbasary Hong Tszitsian (Hong Ziqiang).
Ǵimarat 2013 jyly salynǵan. 2018 jyldan beri qonaqúi retinde paidalanyla bastady.
