Seisenbi kúni kúndiz Qytaidyń Shenjen qalasyndaǵy kóshelerdiń birinde biiktigi 355 metr bolatyn «SEG Plaza» záýlim ǵimaraty dirildei bastaǵany belgili boldy. Qalada da, jaqyn mańda da eshqandai jer silkinisi bolmaǵany atap ótildi, dep habarlaidy Global Times.
«Dirildegen» ǵimarat túsip qalǵan video seisenbi kúni Sina Weibo áleýmettik jelisinen taralyp, kóp qaralym jinaǵan. Beinejazbadan biik ǵimarat dirildei bastaǵanda adamdardyń qorqyp, jan-jaqqa qashqanyn kórýge bolady.
Ǵimarat aldyndaǵy aldań ýaqytsha jabylǵany habarlandy. Oqiǵany órt sóndirý qyzmeti men politsiia tekserip jatyr.
Seisenbi kúni kúndiz Sina Weibo-nyń resmi akkaýntyndaǵy jergilikti úkimettiń málimdemesinde keshe jergilikti ýaqyt boiynsha 12:31-de ǵimarattyń dirildegeni týraly alańdaǵy kezekshi qyzmetkerlerge habarlanǵany aitylǵan. Sodan keiin ǵimarat ákimshiligi shuǵyl evakýatsiia týraly adamdarǵa jedel túrde habardar etken. Saǵat 13:55-te barlyǵy qaýipsiz jerge kóshirildi.
Záýlim ǵimarat ornalasqan Fýtian aýdanynyń úkimeti tótenshe jaǵdaidy joiý úshin dereý sharalar qabyldady. Ǵimarattyń qaýipsizdigin tekserý úshin sarapshylar shaqyryldy. Aldyn ala tergeý nátijeleri jaqyn jerde jaryqshaqtar bolmaǵanyn anyqtady, sondai-aq qabyrǵa panelderiniń qulaý jáne olarǵa zaqym keltirý belgilerin de anyqtamady, dep habarlaidy Weibo.
Oqiǵanyń mán-jaiy men sebepteri boiynsha qosymsha tergeý amaldary júrgizilýde, olar ýaqytyly jariia etiletin bolady.
Ǵimarat saǵat 13:30-da dirildeýin toqtatty, ǵimarattyń negizgi qurylymynda jáne onyń ainalasynda qaýipsizdik normalarynan aqaýlar tabylǵan joq, dep habarlady qalalyq turǵyn úi-qurylys biýrosy sol kúni resmi Weibo akkaýyntynda.
