سەيسەنبٸ كٷنٸ كٷندٸز قىتايدىڭ شەنجەن قالاسىنداعى كٶشەلەردٸڭ بٸرٸندە بيٸكتٸگٸ 355 مەتر بولاتىن «SEG Plaza» زەۋلٸم عيماراتى دٸرٸلدەي باستاعانى بەلگٸلٸ بولدى. قالادا دا, جاقىن ماڭدا دا ەشقانداي جەر سٸلكٸنٸسٸ بولماعانى اتاپ ٶتٸلدٸ, دەپ حابارلايدى Global Times.
«دٸرٸلدەگەن» عيمارات تٷسٸپ قالعان ۆيدەو سەيسەنبٸ كٷنٸ Sina Weibo ەلەۋمەتتٸك جەلٸسٸنەن تارالىپ, كٶپ قارالىم جيناعان. بەينەجازبادان بيٸك عيمارات دٸرٸلدەي باستاعاندا ادامداردىڭ قورقىپ, جان-جاققا قاشقانىن كٶرۋگە بولادى.
عيمارات الدىنداعى الداڭ ۋاقىتشا جابىلعانى حابارلاندى. وقيعانى ٶرت سٶندٸرۋ قىزمەتٸ مەن پوليتسييا تەكسەرٸپ جاتىر.
سەيسەنبٸ كٷنٸ كٷندٸز Sina Weibo-نىڭ رەسمي اككاۋنتىنداعى جەرگٸلٸكتٸ ٷكٸمەتتٸڭ مەلٸمدەمەسٸندە كەشە جەرگٸلٸكتٸ ۋاقىت بويىنشا 12:31-دە عيماراتتىڭ دٸرٸلدەگەنٸ تۋرالى الاڭداعى كەزەكشٸ قىزمەتكەرلەرگە حابارلانعانى ايتىلعان. سودان كەيٸن عيمارات ەكٸمشٸلٸگٸ شۇعىل ەۆاكۋاتسييا تۋرالى ادامدارعا جەدەل تٷردە حاباردار ەتكەن. ساعات 13:55-تە بارلىعى قاۋٸپسٸز جەرگە كٶشٸرٸلدٸ.
زەۋلٸم عيمارات ورنالاسقان فۋتيان اۋدانىنىڭ ٷكٸمەتٸ تٶتەنشە جاعدايدى جويۋ ٷشٸن دەرەۋ شارالار قابىلدادى. عيماراتتىڭ قاۋٸپسٸزدٸگٸن تەكسەرۋ ٷشٸن ساراپشىلار شاقىرىلدى. الدىن الا تەرگەۋ نەتيجەلەرٸ جاقىن جەردە جارىقشاقتار بولماعانىن انىقتادى, سونداي-اق قابىرعا پانەلدەرٸنٸڭ قۇلاۋ جەنە ولارعا زاقىم كەلتٸرۋ بەلگٸلەرٸن دە انىقتامادى, دەپ حابارلايدى Weibo.
وقيعانىڭ مەن-جايى مەن سەبەپتەرٸ بويىنشا قوسىمشا تەرگەۋ امالدارى جٷرگٸزٸلۋدە, ولار ۋاقىتىلى جارييا ەتٸلەتٸن بولادى.
عيمارات ساعات 13:30-دا دٸرٸلدەۋٸن توقتاتتى, عيماراتتىڭ نەگٸزگٸ قۇرىلىمىندا جەنە ونىڭ اينالاسىندا قاۋٸپسٸزدٸك نورمالارىنان اقاۋلار تابىلعان جوق, دەپ حابارلادى قالالىق تۇرعىن ٷي-قۇرىلىس بيۋروسى سول كٷنٸ رەسمي Weibo اككاۋىنتىندا.
