Qytaida COVID-19-ǵa qarsy ingaliatsiialyq vaktsinany shuǵyl jaǵdailarda klinikalyq qoldanýǵa QHR azyq-túlik jáne dári-dármekterdi baqylaý jónindegi memlekettik basqarmasyna ótinim berildi, dep habarlaidy Sinhýa agenttigi.
COVID-19-ǵa qarsy alǵashqy ingaliatsiialyq vaktsinany Qytai injenerlik akademiiasynyń akademigi Chen Vei Shanhaidaǵy innovatsiia forýmynda usyndy.
Qytai akademiginiń aitýynsha, ingaliatsiialyq vaktsina inektsiialyq adenovirýstyq vektorlyq vaktsinanyń besten bir dozasyn ǵana kerek etedi jáne ony saqtaý, tasymaldaý qajet emes.
«Eger vaktsina ingaliator arqyly jutylsa, onda ol shyryshty qabyqtardyń immýnitetin qalyptastyrýǵa qabiletti. Antideneler men jasýshalyq immýnitettiń damýymen birge bul deneni koronavirýstan qorǵaýǵa múmkindik beredi», -deidi Chen Vei.
Ol sondai-aq 2020 jyldyń tamyzynda Qytaida inektsiiasyz vaktsinany zertteý nátijeleri alǵash ret jariialanǵanyn jáne sol jyldyń qyrkúieginde Ýhan qalasynda onyń klinikalyq synaqtan ótkenin atap ótti.
