QHR Gigiena jáne densaýlyq saqtaý isteri jónindegi memlekettik komissiiasynyń málimetinshe, keshe qurlyqtyq Qytaida koronavirýs juqtyrǵan 3 jańa jaǵdai anyqtalǵan. 80 naýqas emdelip shyqty, qaitys bolý jaǵdaiy tirkelmegen, dep habarlaidy "Ult aqparat".
3 jańa jaǵdaidyń ekeýi syrttan ákelinse, bireýi jergilikti jerden shyqqan. Qytaidyń soltústik-shyǵysyndaǵy Heilýntszian provintsiiasynda tirkelgen. Koronavirýstyń syrttan ákelingen jaǵdailarynyń jalpy sany – 1636.
Budan bólek, ótken táýlikte simptomsyz 25 jańa jaǵdai anyqtalǵan. 974 simptomsyz naýqas meditsinalyq baqylaýda. Tutastai alǵanda, sońǵy derekter boiynsha QHR-da koronavirýs juqtyrýdyń rastalǵan faktileriniń jalpy sany - 82 830. 4633 adam virýstan kóz jumsa, 77 454 adam saýyǵypb aýrýhanadan shyqty. Qazirgi ýaqytta 723 patsient meditsinalyq mekemelerde em qabyldaýda. 52 naýqastyń jaǵdaiy aýyr dep baǵalanǵan.
COVID-19 epitsentri bolǵan Ýhan qalasynda 26 sáýirdegi jaǵdai boiynsha koronavirýspen aýyratyn naýqastar qalmaǵan. Mundai málimdemeni ótken jeksenbide Beijińde QHR Gigiena jáne densaýlyq saqtaý isteri jónindegi memlekettik komissiiasynyń resmi ókili jasady.
