Búgin Qytaidyń ońtústik-batys bóliginde Gýichjoý provintsiiasynda «Big Data EXPO 2021» halyqaralyq kórmesi óz jumysyn bastady, dep habarlaidy "Ult aqparat".
«Tsifrlyq intellekt jáne jańa tehnologiialar» taqyrybyna arnalǵan kórme baǵdarlamasyna túrli kásibi dialogtar, forýmdar kiredi, ekspozitsiialar jáne basqa da is-sharalar ótedi. Uiymdastyrýshylar men qatysýshylar derekter qaýipsizdigi, tsifrlyq qyzmetter jáne salalardy tsifrlandyrý siiaqty taqyryptardy talqylaidy.
Uiymdastyrý komitetiniń málimetinshe, Big Data EXPO 2021 halyqaralyq kórmesine 225 qytailyq jáne sheteldik kásiporyndar qatysýda.
Big Data EXPO, Qytaidaǵy iri derekter indýstriiasynyń alǵashqy kórmesi Gýichjoý provintsiiasynda 2015 jyldan beri ótkizilip keledi. 2019 jyly EKSPO aiasynda 15,7 mlrd dollarlyq kelisimsharttarǵa qol qoiyldy. Ótken jyly uiymdastyrýshylar Covid-19 oqiǵasyna bailanysty kórme ótkizbedi.
Kórme Data-ortalyqtaryn qurý úshin Apple, Huawei, Tencent siiaqty iri kompaniialardy tarta aldy.
