Hýbei provintsiiasynyń Ýhan qalasynda (Ortalyq Qytai) belgisiz pnevmoniiaǵa shaldyqqandar sany 59 adamǵa jetti, dep habarlaidy "Ult aqparat" densaýlyq saqtaý isi jónindegi qalalyq komitetke silteme jasap.
«2020 jyldyń 5 qańtary saǵat 8:00-degi jaǵdai boiynsha qalamyzda belgisiz virýstyq pnevmoniiaǵa shaldyqqan 59 jaǵdai anyqtaldy. Jeti adamnyń ahýaly aýyr, qalǵan naýqastardyń jaǵdai turaqty. Eshkim qaitys bolǵan joq», - delingen jergilikti densaýlyq saqtaý organynyń habarlamasynda.
Qazirgi ýaqytta barlyq naýqastar Ýhan qalasyndaǵy meditsinalyq mekemede emdelip jatyr. Aýrýlarmen tyǵyz qarym-qatynasta bolǵan 163 adam baqylaýǵa alyndy.
