Qytaida ata-anasy koronavirýsqa qarsy vaktsina almaǵan oqýshylarǵa mektepke barýǵa tyiym salynýy múmkin. Qytaidyń ońtústigindegi Gýansi-Chjýan avtonomiia aýdanynyń (GChAA) birqatar eldi mekeninde jańa oqý jyly qarsańynda osyndai sharalar qabyldanbaq, dep habarlaidy QazAqparat.
QHR GChAA Gýipin jáne Pinliý qalalarynyń ákimshiligi orta jáne joǵary mektep oqýshylarynyń ata-analaryna koronavirýsqa qarsy ekpeni múmkindiginshe tezirek alý talaby qoiylǵan habarlamany jariia etti.
Kimniń ata-anasy vaktsina saldyrmasa, ol oqýshylarǵa jańa oqý jylynda mektepke barýǵa ruqsat etilmeidi.
Osyǵan uqsas talaptar jańa oqý jyly qarsańynda Henan jáne Shensi provintsiiasynyń birneshe eldi mekeninde de jariialandy.
Buǵan deiin QHR Densaýlyq saqtaý isi jónindegi memlekettik komitet habarlaǵandai, ótken seisenbi kúni qurlyqtyq Qytaida jańa koronvirýs infektsiiasyna qarsy vaktsinanyń 1,4 mlrd dozasy salynǵan.
Ótken táýlikte Qytaida COVID-19 juqtyrýdyń 36 rastalǵan jańa jaǵdaiy tirkeldi, onyń barlyǵy shetelden «ákelingen».
Sońǵy resmi málimetterge sáikes, qurlyqtyq Qytaida koronavirýspen aýyrǵan naýqastardyń 94,38% jazylǵan.
2019 jyldyń jeltoqsan aiynan bastap elde koronavirýsqa shaldyqqandardyń sany 92 myńnan asty.
Ólim kórsetkishi – 5,32% (koronavirýstan 4636 kóz jumǵan).
