Qytaidyń shyǵysyndaǵy Tsziansý provintsiiasynyń Chjentszian qalasynda adamnyń H10N3 qus tumaýy shtamyn juqtyrý faktisi anyqtaldy. Bul týraly Qytaidyń Densaýlyq saqtaý isteri jónindegi memlekettik komiteti málim etti, dep habarlaidy "Ult aqparat".
41 jastaǵy er adam 23 sáýir kúni dene qyzýynyń kóterilýinen qaltyrai bastaǵan. Sonymen qatar basqa simptomdar da belgi bergen. Sáýirdiń sońynda qyzýy kóterilgen kúide aýrýhanaǵa túsken. Diagnozy tek bir ai ótken soń – 28 mamyrda anyqtalǵan. Qazir onyń jaǵdaiy turaqty dep aitylady. Buǵan qosa, dárigerler ony aýrýhanadan shyǵarýǵa bolady dep sanaidy. Onymen aralasqan adamdardan ázirge tumaý belgileri anyqtalmaǵan.
28 mamyr kúni Qytai aýrýlardy baqylaý jáne aldyn alý ortalyǵy júrgizgen zertteý boiynsha H10N3 virýsyn juqtyrý faktisi rastaldy.
H10N3 – úi qustary arasynda taraityn tómengi patogendi virýs túri. Qazir onyń turǵynǵa qandai joldarmen juqqany anyqtalyp jatyr.
Reuters-tiń jazýynsha, Qytaida qus tumaýynyń túrli shtamy bar. Keibiri qus sharýashylyǵymen ainalysatyn adamdardan tabylǵan. Sońǵy ret qus tumaýynyń H7N9 túrine bailanysty indet 2016-2017 jyldary órshigen. Ol kezde aýrýdan shamamen 300 patsient qaitys bolǵan.
2019 jyldyń sońynan bastap Qytaidan koronavirýstyń jańa túri álemge taraǵan. Amerikalyq Djons Hopkins ýniversitetiniń málimetinshe, indet kezinde 170 millionnan astam adamǵa virýs juqqan, shamamen 3,5 mln adam qaitys bolǵan.
