Demalys kúnderi Qytaidyń shyǵys jaǵalaýlaryna kelip soǵylǵan «Lekima» taifýnynan qurban bolǵandar sany 28 adamǵa jetti, dep habarlaidy «QazAqparat» Xinhua agenttigine silteme jasap.
Jergilikti bilik jeksenbide 20 adamnyń habar-osharsyz ketkenin de málimdedi.
Alapat daýyl saldarynan 1,08 million adam qaýipsiz jerge kóshirildi, Chjetszian provintsiiasynda 5 million adam zardap shekken.
«Lekima» Qytaidyń shyǵys jaǵalaýyna senbi kúni tańǵy 1:45-te jetken. Taifýn ózimen birge nóser alyp keldi. Iýtszia ýezinde tolassyz jaýǵan nóserden sý tasqyny boldy.
Sinoptikter búgin alapat daýyl Shandýn provintsiiasyna jetedi dep boljap otyr.
Aita keteiik, «Lekima» biyl Qytaiǵa tóngen toǵyzynshy taifýn boldy. «Lekima» taifýny saldarynan Qytai shyǵysynan milliondaǵan adam evakýatsiialandy.
